اقتراح قانون بمحلّو

كتاب موجه الى الحكومة اللبنانية

بصفتي مواطن لبناني, و بما انو اللبناني متقدم عن باقي دول العالم و الشعب اللبناني اكتر شعب مثفق بالعالم حسب وزير الثقافة و بما انو اللبناني متقدم على كل البشر .. اكيد رح تسمحلي الحكومة اللبنانية طالب بقانون متلي متل 90% من الشعب اللبناني اللي عامل المطالبة بالقوانين و الاجراءات و التحرك الخ الخ الخ شغلتو و عملتو ..

شوف ما احلاها يكون عنا قانون  هيك: تجريم كل من تثبت ادانته باستعمال معايير مزدوجة.

اسمحولي قلكن انو هيدا القانون رح يكون من اهم القوانين ازا اشتغلوا في.. يعني انتو مستقلين اديش هالاّفة الاجتماعية ضاربتنا بالصميم و صايرا من ثقافتنا. يعني ما لازم يكون مسموح يجي واحد يطوشنا و هو عم يحكي عن الجيران المزعجة و يضل سهران للصبح عالبرندا عم يضحك و معللي الراديو عالاخر لما ما يكون جايي نوم. او يضل يعمل محلل نحن و عم نسمع نشرة الاخبار انو كيف السنيّة بينزلو عالمظاهرة بلا ما يفكرو,

مخ شخص مصاب بالمعايير المزدوجة

مخ رجل مصاب بالمعايير المزدوجة

و تاني يوم تلاقي نازل عتجمع شيعي و مش عرفان ليه .. او مثلا تجي مرا تضل تحكيلك ساعة عن المساواة بين الزلمي و المرا و تاني يوم تكون عم تسب مرت خيّا اللي “راسا كبير” و ” مشلفة” لانّا كانت عمتقول لجوزا انو بدو تشوف اهلها. شو يعني يجي واحد يضل يحكي عن شب قاعد عالطاولة حدو بالقهوة شي ساعة و نص كيف هو منقاد للثقافة الغربية, و تكتشف بعدين انو ما بيلبس الا من عند “زارا” مثلا.

كمان برأيي لازم بعد ما يطبقوا هالقانون بلبنان و يشوفو اديش مهم, يرفعوا عالامم المتحدة خلي يستعملو كمان بين الدول, لان كمان الازدواجية بالمعايير صايرا من ثقافتن, مثلا منو مقبول يكون الاحتلال مرة اجرام و مرّة احتلال بداعي السلام او الحرية (كيف احتلال و حرية؟!) … كمان مش مقبول تكون الحركات الانفصالية مرة حركات تحرر و مرّة حركات ارهابية  مدعومة من الخارج. و لا مقبول لما مدني يموت من جنسية معينة تكون كارثة كونية  و ازا الف مدني من جنسية تانية بيموتو بشكل يومي, يكون هيدا شي طبيعي و بيمرق بالمتفرقات عالاخبار.


Advertisements

One thought on “اقتراح قانون بمحلّو

  1. اللى مجلس النواب لكن

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s