انت رفيقي

بنص عز دين الانانية المستشرية بالمجتمع, في عالم بتلاقيهن عطول حدّك, بتلاقيهن قلقانين اكتر منك ازا عندك شي مشكلة, عالم بيزعلو ازا انت زعلان و بينبسطوا ازا انت مبسوط … عالم ازا ما شفتن يوميا بتحس انو في شي غلط.. ما في بيناتكن لا مصلحة و لا شي. اللي بيجمعكن شي واحد بس: الصداقة

هو العالم كيف فيك تجازيهن ؟!!    انا مأكد ازا سألتن, رح يقولولك: انو تضل بخير … فتضل بخير

رأي بالفن

ام كلثوم تبوس الواوا ايضا

ام كلثوم تبوس الواوا ايضا

الفن احلى شي بالحياة تقريبا, او خلينا نقول من احلى الشغلات.. الحلو بالفن انو ما فيه شهادات, يعني هيدا اعلى من هيدا, اكيد كل واحد عندو رأيو بس بضل رأيو و ما بيقدر يفرض رأيو عحدا حتى لو كان اكبر موسيقار  او اشهر رسام مثلا.. كتير دارجة هالايام انو اللي بيسمع ام كلتوم بيحس حالو اهم من العالم.. و ازا شافك عم تسمع حدا بعدو عايش بيحتقرك.. انو يابا هو اذنو اصيلة و موسيقية و طربية و اللي بدك ياه, و انت شي خرة… طيب تعا لقلك انو انت بتسمع ام كلتوم و انا بسمع ام كلتوم بس هيدا ما بيمنع انو بحب كمان كم غنية لهيفا  و ما بيمنع انو حط غنية لاليسا عصوت عالي بالسيارة لما كون معصب..ما كل شي الو وقتو تعا قللي كيف بدك ترقص ع” انت عمري” بسهرة تهييص ؟! و تاني شي عشو هل تطليعة يعني انت فكرك ازا بتسمع ام كلتوم بتصير بتفهم؟!